१.
ठरवले आज मी खोटे कधी वागायचे नाही
कितीही संकटे आली तरी थांबायचे नाही
सुखाची वाट चालाया जगाला सोबती घेऊ
मनाचे दुःख पण कोणा पुढे मांडायचे नाही
मनाचे दुःख पण कोणा पुढे मांडायचे नाही
रिकामा पाहुनी अपुला खिसा रडतोस का वेड्या ?
सुखाचे दिवसही येतील हे विसरायचे नाही
सुखाचे दिवसही येतील हे विसरायचे नाही
तयारी ठेव लढण्याची, हवे ते ते मिळवण्याची
भिका-यासारखे काहीच तू मागायचे नाही
भिका-यासारखे काहीच तू मागायचे नाही
असू दे बंगला, गाडी, कुणाची लाख प्राॅपर्टी
मने श्रीमंत ना, तेथे 'किरण' तू जायचे नाही
मने श्रीमंत ना, तेथे 'किरण' तू जायचे नाही
२.
मंदशी हासायची ती
गंधसा पेरायची ती
गंधसा पेरायची ती
कैकदा भेटायची पण
फार ना बोलायची ती
फार ना बोलायची ती
ती जरी साधीच होती
अप्सरा वाटायची ती
अप्सरा वाटायची ती
मी नजर नजरेस देता
लाघवी लाजायची ती
लाघवी लाजायची ती
बोललो नाही जरी मी
मौनही वाचायची ती
मौनही वाचायची ती
ती मला कळलीच नाही
पण मला समजायची ती
पण मला समजायची ती
३.
पावसाच्या सरी धुंद झेलायची
नार गुलजार ती फार वाटायची
नार गुलजार ती फार वाटायची
ती अचानक मला जर कधी भेटली
नजर चोरून मग गोड लाजायची
नजर चोरून मग गोड लाजायची
भेटण्याचे मला ती वचन पाळण्या
वळण-वाटा किती तुडवुनी यायची
वळण-वाटा किती तुडवुनी यायची
पावसाळी हवा, गंध हा गारवा
हीच आहे घडी प्रेम बहरायची
हीच आहे घडी प्रेम बहरायची
याद येते तिची, भास होतो सतत
वेळ आलीय बघ वेड लागायची
वेळ आलीय बघ वेड लागायची
चालणारी जरी माणसे थांबली
जिंदगी थांबते काय चालायची ?
जिंदगी थांबते काय चालायची ?
No comments:
Post a Comment